O Festival

Por primeiro ano, Lugo saca a súa alma de blues no mes de xullo para acoller o Blues Museum, o I Festival Internacional de Blues de Lugo. Unha cita musical única, cun atractivo programa de concertos ao aire libre e gratuítos. Un festival organizado pola Deputación de Lugo e o Concello de Lugo que achega a música ao museo e á rúa.

O Blues Museum aposta por directos vibrantes de artistas de nome internacional e estatal cos que o público goce a ritmo de blues. Unha aposta que brinda a oportunidade de desfrutar dos mellores artistas do panorama nacional e internacional e do patrimonio histórico de Lugo, xa que o espazo dos concertos convive entre Patrimonios da Humanidade como a Muralla de Lugo, o Camiño Primitivo a Santiago de Compostela ao seu paso por Lugo e a Catedral de Santa María.

21 e 22 de xullo Praza da Soidade (Museo Provincial) Lugo | Entrada libre